الفرق بين البنت الدفشه والبنت الناعمة

بسم الله الرحمن الرحيم
السلام عليكم ورحمة الله وبركآته....
اليوم شفت موضوع في احد المنتديآت واعجبن وقلت احطوهـ فيذآ


الفرق بين البنت النآعمه والبنت الدفشه

البنت الناعمه
طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم

ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى ((بترجم

لكم شنو قالت لها الخدامة)) 00 تقول قومى ما ما وقت واجد تأخير 00 والناعمة اول ما تصحى

من النوم تفتح الستارة والشباك علشان الغرفة تتنفس وشغلت موسيقى رومانسية علشان

يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات

والصبغ 00 لازم تحافظ على البشرة 00 خلصت من المراية وتتجة الان الى الاستشوار

وبعدين تلبس البنطلون الجنز والبلوزة 00 وتنزل تاكل الفطور اللى يكون عبارة عن دونت

وعصير برتقال 0

البنت الدفشه
تقوم الساعة 8 الصبح وهى ما تباا تقوم وتدخل امها عليها بالغرفة وتصرخ عليها قومى

شبعتى نوم ترد الدفشة على امها 00 زين زين الحين بقعد 00 وتقعد تأفففففففف ويطلع من

حلجهاا (( الفم )) نار 00 بالاضافة الى انها وهى نايمة كل دقيقة تطيح من على السرير 00 وبعدين يدخل
اخوها الصغير ويصرخ 00 ياا ربي 00 يالله قومي بسج نوم 00 ترد عليه : اطلع من الغرفة والا

ارميك من الدريشة (( الشباك )) الحين 00 المهم اخوها اللى اكبر منها يروح لها الغرفة يرفسها وبعد تلك
الرفسة العنيفة 00 تقوم (( تصحى )) من النوم

نرجع الى البنت الناعمة
ما تتغدا الا الساعة 4 ولا 5 ولا تتغدى الا على عيش ابيض مسلوق

وسلطة تحافظ على رشاقتها 0


اما البنت الدفشة
تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة

واحدة يعنى ما فى مجال انها تتنفس 00 وما تسمع الا اصوات مخفية 0

البنت الناعمة:

طلعتها تكون من بعد صلاة المغرب ما تطلع العصر تحافظ على البشرة من ضوء الشمس

البنت الدفشة

تطلع الساعة 2 القايلة تروح مشى لبيت خوالها لين ما تنقلب سوودة 0
البنت الناعمة:
تروح ستار بكس او اى كافية وقبل لا تطلع تمر على الصالون تحط هذاك الميك الاب 0

البنت الدفشة

تحط كحل يملا العين والروج تقول ما كلة انسان واذا بتروح تروح السوق ولا سوق الحراج 0

البنت الناعمة:

اذا تبى تضحك تقول ( هههههههههه) ويدها على حلجها (( الفم )) من الستيحااء والخجل والضحكة من الصعب انك تسمعها
البنت الدفشة
ها ها ها ها 00 والحي الثانى يسمعها
البنت الناعمة:
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو واغاني انجليزية وممثلها المفضل
توم كروز لوسامتة وميل جبسون وجيم كارى لخفة دمهم

اما البنت الدفشة

ممثلها المفضل بو هلال وعبدالناصر درويش ومطربها المفضل خالد الملا ومزعل فرحان

البنت الناعمة:

لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة 0

البنت الدفشة

تنسدح على الارض وتحط رأسها على المخدة وتمد رجلها وتحطها على التلفزيون واذا تبى

تغير القناة دقت التلفزيون باصبع رجلها وغيرت القناة<<<ذي رهيبه ههههههههههههههههههههه

البنت الناعمة:

اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى

يروح ويرجع 0

البنت الدفشة

تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة

ستة متر متروسة شاى 0
البنت الناعمة:
فى نهاية هالموضوع تقولكم 00 تشاو 00 او سى يو 00 او بباى

اما الدفشة
فى نهاية الموضوع تقولكم 00 حياكم الله 00 تأمرون على شىء

~.~
فديت الدفشه انا